कृषि विकास बैङ्क शाखा कार्यालय तुलसीपुरले आर्थिक वर्ष २०७२/७३ मा १८ करोड रुपैयाँ लगानी गरेको छ । बैङ्कका प्रबन्धक एकराज आचार्यका अनुसार बैङ्कले गत आवमा ७ करोड रुपैयाँ निक्षेप वृद्धि गरेको छ । बैङ्कमा हाल २२ करोड रुपैयाँ निक्षेप जम्मा भएको छ । बैङ्कले गत आवमा ३ करोड रुपैयाँ निक्षेप सङ्कलनको लक्ष्य लिएको थियो ।
त्यसैगरी बैङ्कले तीन करोड पाँच लाख रुपैयाँ खुद मुनाफा आर्जन गरेको छ । बैङ्कमा अब एक लाख ७५ हजार रुपैयाँ मात्र भाखा नाघेको ऋण रहेको छ भने ब्याज एक लाख ४१ हजार रुपैयाँमात्र रहेको बताइएको छ । रासस
