एनआईसी एशिया बैंकले गत आर्थिक वर्षमा १ अर्ब ७ करोड रुपैयाँ खुद मुनाफा आर्जन गरेको छ । बैंकले पहिलोपटक १ अर्बमाथिको नाफा गरेको हो । अघिल्लो आर्थिक वर्ष बैंकले ६८ करोड रुपैयाँ खुद नाफा कमाएको थियो ।
त्यस्तै, बैंकले निक्षेपमा १६ अर्ब रुपैयाँ बढाएर ६९ अर्ब रुपैयाँ पुर्याएको छ । कर्जा पनि १६ अर्ब रुपैयाँ नै बृद्धि गरेको छ । बैंकले खुद व्याज आम्दानी ४० करोड रुपैयाँ बढाएको छ । गत आर्थिक वर्षमा बैंकले व्याज आम्दानी एक अर्ब ९७ करोड रुपैयाँ पुर्याएको छ । अन्य सञ्चालन आम्दानी ३४ करोड रुपैयाँ र ३२ करोड रुपैयाँ राइट व्याक गरेको छ । विदेशी विनिमय कारोबारबाट १६ करोड रुपैयाँ कमाएको छ ।
