July 19th, 2016

यस्तो छ, फस्र्ट माइक्रोफाइनान्सको वित्तीय अवस्था

1st microfinanceगत आर्थिक वर्षमा फस्र्ट माइक्रोफाइनान्सले ५ करोड ४४ लाख खुद मुनाफा आर्जन गरेको छ । कम्पनीले अघिल्लो आर्थिक वर्षको तुलनामा ५० प्रतिशत बढी मुनाफा आर्जन गरेको हो । ब्याज आम्दानीमा भने कम्पनीले तीब्र बढोत्तरी गर्न सकेको छैन । प्रतिशत शेयर आम्दानी २३ रुपैयाँ रहेको बैंकको चुक्ता पुँजी २३ करोड रुपैयाँ रहेको छ । 

यो लघुबित्त राष्ट्रियस्तरमा थोक कर्जा प्रबाह गर्ने लघुवित्त हो । नेपाल राष्ट्र बैंकले हालै जारी गरेको मौद्रिक नीतिले थोक कर्जा प्रबाह गर्ने लघुवित्तलाई २०७५ साल असार मसान्तसम्म चुक्ता पूँजी ६० करोड पुर्याउनु पर्ने व्यवस्था गरेको छ । जसअनुसार, यो लघुवित्तलाई पनि अबको दुई वर्षमा पुँजी बढाएर २३ करोडबाट ६० करोड पुर्याउनुपर्ने चुनौती रहेको छ ।