गरिमा विकास बैङ्क लिमिटेड र सुभेच्छा विकास बैङ्क लिमिटेड एकआपसमा गाभिने भएका छन् । यी दुई विकास बैंक गाभिएर गरिमा विकास विकास बैंक लिमिटेडको नामबाट एकीकृत कारोबार गर्न लागेका हुन् ।
सोही मर्जरको प्रस्ताव पारित गर्नका लागि गरिमाले असार ३० गते होटल पोखरा ग्राण्ड, विरौटा पोखरामा विशेष साधारण सभा बोलाएको छ । सो सभा प्रयोजनको लागि कम्पनीको दर्ता पुस्तिका वैशाख ९ गते देखि बन्द रहेको छ ।
सोही प्रस्ताव पारित गर्नका लागि सुभेच्छाको साधारण सभा पनि असार ३० गते दरचोक गाविस, कुरिनटार चितवनमा बस्दैछ । सो सभा प्रयोजनको लागि कम्पनीको दर्ता पुस्तिका पनि वैशाख ९ गतेदेखि बन्द रहेको छ ।
