सरकारले नवीकरणीय उर्जा प्रर्वधनका लागि हरेक घर उर्जा घर कार्यक्रम चलाउने भएको छ । शहरी क्षेत्रमा अब बन्ने नयाँ घरमा अनिवार्य सोलार जडान गर्नुपर्ने छ । यसका लागि ६ अर्ब १० करोड रुपैयाँ बिनियोजन गरिएको अर्थमन्त्री विष्णु पौडेलले बताए । यस्तै, आगामी वर्ष २५ हजार सौर्य टुकी बाँड्ने सरकारको लक्ष्य छ ।
आगामी वर्ष राष्ट्रिय सरकारले वैज्ञानिक सम्मेलन गर्ने भएको छ । युवा वैज्ञानिकलाई प्रोत्साहन गर्न सरकारले वैज्ञानिक सम्मेलन गर्ने साथै स्वदेशमै अध्ययन अनुसन्धान गर्न अनुसन्धान वृत्ति प्रदान गर्ने जनाएको छ । यस्तै, राष्ट्रिय सूचना केन्द्रको क्षमता अभिवृद्धि गर्ने, विकास आयोजनाको वातावरणीय प्रभाव मूल्यांकन छिटो तथा सरल रुपले गर्ने पनि सरकारले जनाएको छ ।
