बैंकिङ खबर । विद्युत् उत्पादन र पर्यटन क्षेत्रलाई लक्षित गरेर नयाँ नीति तथा कार्यक्रम आउने भएको छ । आज साँझ बस्ने संघीय संसदको वैठकमा राष्ट्रपति विद्यादेवी भण्डारीद्धारा प्रस्तुत गर्न लागिएको आर्थिक वर्ष २०७५।७६ को वार्षिक नीति तथा कार्यक्रममा उर्जा र पर्यटनलाई प्राथमिकतामा राखिएको छ ।
आगामी १० वर्षमा ५० लाख पर्यटक भित्र्याउने र १५ हजार मेगावाट जलविद्युत् उत्पादन गर्ने लक्ष्य नीति तथा कार्यक्रमले लिएको छ । आर्थिक वृद्धिदर ७ प्रतिशतभन्दा माथि पुर्याउने लक्ष्य सहितको नीति तथा कार्यक्रमले रेलमार्ग तथा जलमार्ग निर्माणको विषयलाई पनि अघि सार्ने भएको छ ।
यसबाहेक, सामाजिक सुरक्षा भक्ताको दायरा बढाउने, कृषि उत्पादन बढाएर निर्यातको अवस्थामा पुर्याउने, हरेक प्रदेशमा एउटा मेघा प्राजेक्ट पुर्याउने लगायतका विषयहरु पनि नीति तथा कार्यक्रममा समेटिएको बताइएको छ ।
