बुटवलको हस्पिटललाइनमा केन्द्रीय कार्यालय रहेको तिनाउ विकास बैंक लिमिटेडले आफ्नो १२ औं शाखा सिद्धार्थनगर नगरपालिका वडा नं. ८, नारायणस्थान भैरहवामा स्थापना गरेको छ । २०७४ श्रावण २७ गते शुक्रवारका दिन नेपाल राष्ट्र बैंक, सिद्धार्थनगर शाखाका निर्देशक रेवति प्रसाद नेपालले एक समारोहका विच उक्त शाखा को समुद्घाटन गरे ।
प्रमुख कार्यकारी अधिकृत प्रदिप कुमार श्रेष्ठद्धारा संचालन गरिएको कार्यक्रममा बैंकका अध्यक्ष राजेन्द्र प्रसाद वझाले स्वागत मन्तब्य सहित बैंकको परिचय दिएका थिए । बैंकले ग्रामिण स्तरमा शाखाहरुको संजाल विस्तार गरि ११ वटा पु्र्याईसकेको र अव भैरहवा पनि अत्याधुनिक बैंकिङ्ग सहित सेवा प्रदान गर्न प्रतिवद्ध रेहेको अध्यक्ष वझाले बताए । पछिल्लो समयमा राम्रो प्रगति गरिरहेको र विकास बैंकहरुमा आप्mनो राम्रो स्थान बनाउन सफल तिनाउ विकास बैंकको यस ठाउँमा उपस्थिती स्वागत योग्य रहेको उनले बताए ।
यस संस्थाले गरेका सामाजिक उत्तरदायित्व प्रति राम्रो काम गरेको जानकारी गराउँदै अध्यक्ष वझाले उत्पादनशील क्षेत्रमा अझै लगानी वृद्धि गरी अगाडी बढ्नुपर्ने बताए । यस क्षेत्रका बैंक तथा वित्तिय संस्थाहरु र व्यापारी तथा व्यापारिक संस्थाहरु नेपाल सरकार र राष्ट्र बैंकले जारी गरेका निर्देशनहरुलाई हातेमालो गरेर अगाडी बढ्नुपर्ने उनको धारणा भयो ।
हालसम्म झण्डै ४ अर्व निक्षेप संकलन गरी ३ अर्व २५ करोड कर्जा लगानी गरेको वैंकले गत आर्थिक वर्षमा १५ करोड १९ लाख संचालन मुनाफा आर्जन गरेको थियो । रुपन्देही, नवलपरासी र चितवन कार्यक्षेत्र कार्यक्षेत्र भएको बैंकले ग्राहकलाई एटिएम सेवा,रेमिटयान्स सेवा, लकर सुविधा, कुनै पनि शाखाबाट रकम झिक्न र राख्न सकिने सुविधा, विहानी काउण्टर, मोवाईल बैंकिङ, नेपाल टेलिकमको पीएसटीएन, एडीएसएल, प्रिपेड तथा पोष्टपेड मोबाइलको बिल भुक्तानीजस्ता सेवा प्रदान गरिरहेकोे र सेयर लगानीकर्ताहरुको लागि आस्वा सेवा समेत निःशूल्क प्रदान गरिरहेको छ ।
