मुस्लीम समुदायको पवित्र धार्मिक स्थल साउदी अरबको मक्का मदिनामा २०७४ सालको हजयात्राका लागि गएका १,२५० जना नेपाली हजयात्रीहरुलाई प्रभु बैंक लिमिटेडले अमेरिकी डलर र साउदी रियाल सटही सुविधा उपलब्ध गराएको छ । बैंकले नेपाल सरकार गृह मन्त्रालयबाट स्वीकृती प्राप्त गरी प्रति हजयात्री १,७०० अमेरीकी डलर वा सो बराबरको साउदी रियाल सटही सुविधा उपलब्ध गराएको हो । उक्त सटही सुविधा २०७४ साउन २५ गतेदेखि १० दिनसम्म काठमाडौँको घण्टाघर स्थित काश्मिरी मस्जिदबाट सम्पूर्ण हजयात्रीहरुले प्राप्त गर्न सक्ने व्यवस्था मिलाईएको छ ।
प्रभु बैंकले उपलब्ध गराएको डलर/साउदी रियल सटही सुविधा लगायत बैंकद्धारा उपलब्ध गराईएका अन्य सेवा समेत उपभोग गरी हज यात्राका लागि प्रस्थान गर्नेे सम्पूर्ण हजयात्रीहरुले अधिकतम लाभ लिने विश्वास बैंकले लिएको छ ।
