सिद्धार्थ डेभलपमेन्ट बैंक लिमिटेडले चालू आर्थिक वर्षको दोस्रो त्रैमासमा १८ करोड ६८ लाख रुपैयाँ खुद मुनाफा आर्जन गरेको छ । बैंकले गत आर्थिक वर्षको सोही अवधिको तुलनामा २४ दशमलव ८३ प्रतिशत बढी नाफा कमाएको हो । गत आर्थिक वर्षको दोस्रो त्रैमासमा सिद्धार्थले १४ करोड ९५ लाख रुपैंया मुनाफा आर्जन गरेको थियो ।
एक अर्ब ४१ करोड ९१ लाख रुपैंयाँ चुक्ता पुँजी भएको बैंकले निक्षेपमा ७५ प्रतिशतले वृद्धि गरि १४ अर्ब २१ करोड २३ लाख रुपैंया संकलन गरेको छ भने कर्जामा १२ अर्ब १९ करोड रुपैयाँ लगानी गरेको छ । बैंकको खुद ब्याज आम्दानी ८५ दशमलव ०२ प्रतिशतले बढेर ३८ करोड ३८ लाख रुपैयाँ पुगेको छ भने संचालन मुनाफा १९ दशमलव २१ प्रतिशतले बढेर २७ करोड ३४ लाख रुपैयाँ पुगेको छ ।
निष्कृय कर्जा दुई दशमलव ७८ प्रतिशत र जोखिमयुक्त सम्पत्ति १३ दशमलव १९ प्रतिशत रहेको बैंकले प्रोभिजनमा चार करोड २० लाख रुपैयाँ र जगेडाकोषमा ४१ करोड ७९ लाख रुपैयाँ राखेको छ । बैंकको प्रतिसेयर वार्षिक आम्दानी २६ रुपैयाँ ३३ पैसा, मुल्य आम्दानीको अनुपात १२ दशमलव २३ प्रतिशत, प्रतिसेयर नेटवर्थ एक सय २९ रुपैयाँ ४५ पैसा र तरलता अनुपात २७ दशमलव ३२ प्रतिशत रहेको छ ।
