मिर्मिरे माईक्रोफाईनान्स डेभलपमेन्ट बैंक लिमिटेडले हकप्रद सेयर निष्काशनका लागि सेयर निष्काशन तथा विक्री प्रबन्धकमा प्रभु क्यापिटल लिमिटडलाई नियुक्त गरेको छ । नियुक्तिसम्बन्धी सम्झौतापत्रमा मिर्मिरे माइक्रोफाइनान्स डेभलपमेन्ट बैंकका तर्फबाट प्रमुख कार्यकारी अधिकृत रोशन कुमार अधिकारी र प्रभु क्यापिटलका तर्फबाट महाप्रबन्धक शंकर प्रसाद कालीकोटाले सोमबार (पुस १८ गते) हस्ताक्षर गरेका हुन् ।
मिर्मिरे माईक्रोफाइनान्सले आ.ब. ०७२/०७३ मा कायम चुक्ता पुँजीको आधारमा ५० प्रतिशत अर्थात १ बराबर ०.५० को अनुपातमा साबिकका सेयरधनीका लागि हकप्रद सेयर जारी गर्दैछ । माइक्रोफाईनान्सले एक सय रुपैयाँ अंकित मूल्यमा एक लाख ५० हजार कित्ता सेयरको सार्वजनिक निष्काशन गर्न लागेको हो ।
मिर्मिरे माईक्रोफाईनान्स डेभलपमेन्ट बैंक लिमिटेडको छैठौं वार्षिक साधारण सभाले कम्पनीको अधिकृत पूँजी रु. दश करोड पुर्याउने निर्णय गरेको छ ।
