मिसन डेभलपमेण्ट बैंकले शतप्रतिशत अर्थात एक बराबर एकको अनुपातमा हकप्रद सेयर निष्काशन गर्ने भएको छ । हकप्रद निष्काशनका लागि अनुमति माग गर्दै बैंकले नेपाल धितोपत्र बोर्डमा निवेदन दिएको छ । बैंकले एक सय रुपैयाँ अंकित दरमा १९ लाख ४९ हजार कित्ता हकप्रद सेयर निष्काशन गर्न लागेको हो । हकप्रद सेयर जारी गर्ने निर्णय बैंकको गत फागुनमा सम्पन्न वार्षिक साधारणसभाले पारित गरिसकेको छ ।
हाल मिसनको चुक्तापुँजी १९ करोड ४९ लाख रुपैयाँ छ । शतप्रतिशत हकप्रद सेयर वितरण गरेपछि बैंकको पुँजी झन्डै ४० करोड रुपैयाँ पुग्नेछ ।
