बैंकिङ खबर/मन्त्रिपरिषद्को बैठक बस्दैछ । प्रधानमन्त्री केपी शर्मा ओलीले साँझ ६ बजे बस्नेगरी मन्त्रिपरिषद्को बैठक बोलाएका हुन् । आजको बैठकले नेपाल राष्ट्र बैंकको गभर्नर नियुक्त गर्ने सम्भावना रहेको जनाइएको छ ।
गभर्नर चयनका लागि सिफारिस समितिको बैठक बस्नुपर्नेछ । समितिले गभर्नर नियुक्तिका लागि ३ जनाको नाम सिफारिस गर्नुपर्नेछ । यसअघि नै सत्तारुढ प्रमुख दुई दल नेपाली कांग्रेस र नेकपा एमालेबीच डा.विश्व पौडेललाई गभर्नर नियुक्त गर्ने सहमति भइसकेको छ । गभर्नर बन्ने सम्भावना भएपछि डा.पौडेलले सिफारिस समितिबाट राजीनामा दिएका थिए ।
अहिले अर्थमन्त्री विष्णु पौडेलको संयोजकत्वमा पूर्व गभर्नर महाप्रसाद अधिकारी र अर्थविद् डा. पोषराज पाण्डे सदस्य रहेको सिफारिस समिति रहेको छ ।
