सानिमा बैंक लिमिटेडले सि.बि.आई.एल क्यापिटल लिमिटेडलाई हकप्रद शेयर निष्काशन तथा विक्री प्रबन्धक नियुक्त गरेको छ । हकप्रद निष्काशन तथा विक्री गर्नेसम्बन्धि सम्झौतापत्रमा आइतबार बैंकका तर्फबाट नायव प्रमुख कार्यकारी अधिकृत तेज बहादुर चन्द र सि.वि.आई.एल. क्यापिटल लिमिटेडका तर्फबाट नायव प्रमुख कार्यकारी अधिकृत नलिना श्रेष्ठले एक समारोहका बीच हस्ताक्षर गरेका हुन् ।
बैंकले गत वार्षिक साधारण सभाबाट ३० प्रतिशत हकप्रद शेयर जारी गर्ने निर्णय गरेको थियो । बैंकले सेयरधनीहरुलाई एक सय रुपैयाँ अंकित दरमा एक अर्ब ५९ करोड १७ लाख ६१ हजार सात सय रुपैयाँ बराबरको एक करोड ५९ लाख १७ हजार छ सय १७ हकप्रद सेयर निष्काशन गर्न लागेको हो ।
मेचीदेखि महाकालीसम्म ४१ वटा शाखा संजाल तथा ४७ वटा ए.टि.एममार्फत बैंकिङ सेवा प्रदान गरिरहेको सानिमा बंैकको निष्कृय कर्जा ०.०२ प्रतिशत मात्रै रहेको छ । त्यस्तै, बैंकको कर्जा निक्षेप अनुपात ७६.०७ प्रतिशत, रियलस्टेट कर्जा ९.८५ प्रतिशत, खुद तरलता २४.२४ प्रतिशत र पुँजीकोष १२.३६ प्रतिशत रहेको छ ।
