बैंकिङ खबर/ मल्टीपर्पस फाइनान्स लिमिटेडको नायब उपमहाप्रबन्धक (डिजिएम) मा प्रभास झा नियुक्त भएका छन् । उनले मंगलबारदेखि नै कार्यभार सम्हालेका छन् । यसअघि झा मुक्तिनाथ विकास बैंक लिमिटेड मधेश प्रदेशमा क्षेत्रीय प्रमुखका रुपमा कार्यरत थिए ।
वित्तीय क्षेत्रमा आफ्नो बृहत् अनुभव र विशेषज्ञताका लागि परिचित झा नियुक्ति संस्थाको लागि महत्त्वपूर्ण कोसेढुङ्गा भएको फाइनान्सले जनाएको छ । फाइनान्स उद्योगमा दुई दशकभन्दा बढी अनुभवको साथ झाले आफ्नो नयाँ भूमिकामा ज्ञान र नवीन रणनीतिहरूको भण्डार ल्याउने अपेक्षा गरिएको छ । मल्टीपर्पस फाइनान्स लिमिटेड, आफ्नो ग्राहक–केन्द्रित दृष्टिकोण र दिगो विकासको लागि प्रतिबद्धताका लागि परिचित छ । उनको नेतृत्वमा निरन्तर सफलताको लागि तत्पर रहेको फाइनान्सले जनाएको छ ।
