सिभिल बैंक लिमिटेडले सात दिने वित्तीय साक्षरता अभियान सुरु गरेको छ । आफ्नो छैठौँ वार्षिकोत्सवको अवसर पारेर बैंकले शुक्रबार (मंसिर १० गते) देखि उक्त अभियान सुरु गरेको हो । अभियानको सुरुको दिनमा बैंकले विहान ७ः४५ देखि ८ः४५ सम्म काठमाडौँमा प्रभातफेरि आयोजना गरेको थियो । वार्षिकोत्सवको अवसर पारेर सुरु गरिएको वित्तीय साक्षरता अभियानअन्तर्गत देशका विभिन्न स्थानहरुमा वित्तीय साक्षरताका विभिन्न चेतनामूलक कार्यक्रमहरुको आयोजना गरिने छ । साथै, सोही अवसर पारेर देशका २५ स्थानहरुबाट गरिब जेहेन्दार विद्यार्थीहरुलाई छात्रवृत्ति समेत प्रदान गरिने बैंकले जनाएको छ ।
बैंकले कमलादीस्थित प्रधान कार्यालयमा वार्षिकोत्सव समारोह आायोजना गरेको थियो । यसै अवसरमा बैंकले सामाजिक रक्तदान कार्यक्रम समेत सम्पन्न गरेको जनाएको छ ।
कार्यक्रममा बोल्दै सिभिल बैंकका प्रमुृख कार्यकारी अधिकृत किशोर मर्हजनले समाजप्रति आफ्नो जिम्मेवारी बहन गर्दै आफ्नो सेवाको परिधी र व्यवसाय वृद्धि गर्दै जाने बताए ।
इन्टरनेशनललिजिङ्ग एण्ड फाईनान्स कम्पनी लि. सँग मर्ज गरी एकिकृत कारोवार सुरु गरिसकेको सिभिल बैंकले युनिक फाईनान्स र हामा मर्चेन्ट एण्ड फाइनान्स लिमिटेडलाई खरिद गर्ने सम्बन्धी समझदारीपत्रमा हस्ताक्षर गरिसकेको छ । यी दुई संस्था खरिद गरेपछि बैंकको बैंकको चुक्तापुँजी ५ अर्ब ५४ करोड रुपैयाँ पुग्नेछ ।
