जिल्ला मालपोत कार्यालय कास्कीले चालु आवको तीन महिनामा ३८ करोड ६५ लाख ५५ हजार रुपैयाँ राजश्व संकलन गरेको छ । कार्यालयले राजश्वतर्फ ३२ करोड ५७ लाख ७१ हजार रुपैयाँ र पुँजीगत लाभकरतर्फ ६ करोड ५ लाख ८४ हजार रुपैयाँ संकलन गरेको कार्यालयका सूचना अधिकारी राजेन्द्र पौडेलले जानकारी दिए ।
कार्यालयले साउनमा १३ करोड २४ लाख ६२ हजार रुपैयाँ, भदौमा १२ करोड ७० लाख ७ हजार रुपैयाँ र असोजमा आठ करोड २९ लाख ४४ हजार रुपैयाँ संकलन गरेको थियो । कार्यालयले सेवाग्राहीको सुविधाको लागि एकद्वार प्रणाली, कम्प्युटरबाट श्रेस्ता र पुर्जा वितरण तथा बैंकिङ प्रणालीबाट आर्थिक कारोबार गर्दै आएको छ । रासस
