बैंकिङ खबर/ नयाँ सरकार गठनको पूर्वसन्ध्यामा शेयर बजारमा उछाल आएको छ । नेप्से परिसूचक ५२.९७ अंकले बढेर २२५७.५९ को विन्दुमा पुगेको छ। नेप्से यो उचाइ करिब २ वर्षअघिको नजिक रहेको छ।
बैंकिङ सेक्टर सर्वाधिक बढेको छ । वाणिज्य बैंकहरुको यो सेक्टर आइतबार ३.७४ अंकले बढेको छ। लामो समयपछि वाणिज्य बैंकमा चमक फर्किएको हो। नेप्सेमा राष्ट्रिय वाणिज्य बैंकबाहेक अन्य १९ वटा बैंक सूचीकृत छन्। आजको अन्तिम कारोबार मूल्यअनुसार वाणिज्य बैंकमध्ये स्ट्यान्डर्ड चार्टर्ड बैंकको भाउ सर्वाधिक रहेको छ। यो बैंकको शेयरभाउ आज १६.५ रुपैयाँले बढेर ६०४.५ रुपैयाँ पुगेको छ।
दोस्रो सर्वाधिक मूल्य भएको बैंक एभरेष्ट रहेको छ। यो कम्पनीको शेयरभाउ ५६८ रुपैयाँ पुगेको छ। आज यो बैंकको मूल्य १५ रुपैयाँले बढेको छ।
वाणिज्य बैंकहरुमध्ये उच्च शेयरभाउको हिसाबले नबिल तेस्रोमा रहेको छ। आज २२ रुपैयाँले बढेको यो बैंकको शेयरभाउ ५२९ रुपैयाँ पुगेको छ। यसैगरी चौथो एनआईसी एसिया बैंक रहेको छ।
यो बैंकको शेयरभाउ ४४९ रुपैयाँ रहेको छ। आज २.९० रुपैयाँले मूल्य बढेको छ। नेपाल एसबीआई बैंकको शेयरभाउ ३३६ रुपैयाँ रहेको छ। यो बैंकको भाउ आज १३ रुपैयाँले बढेको छ।
कृषि विकास बैंकः २९८.५० रुपैयाँ
सानिमाः २८४ रुपैयाँ
सिद्धार्थ बैंकः २८३.५ रुपैयाँ
नेपाल बैंकः २३४ रुपैयाँ
प्राइमः २२४.९० रुपैयाँ
एनएमबिः २१७ रुपैयाँ
हिमालयनः २११ रुपैयाँ
माछापुच्छ्रेः २०४ रुपैयाँ
ग्लोबल आइएमईः २०० रुपैयाँ
सिटिजन्सः १९२ रुपैयाँ
नेपाल इन्भेस्टमेन्ट मेगाः १७९ रुपैयाँ
लक्ष्मी सनराइजः १७७ रुपैयाँ
प्रभुः १६६.९० रुपैयाँ
कुमारीः १५६.२० रुपैयाँ
