स्वदेशी लघुवित्त वित्तीय संस्था लिमिटडले चालू आर्थिक वर्षको पहिलो त्रैमासमा ५३ लाख रुपैयाँ खुद मु्नाफा आर्जन गरेको छ । गत आर्थिक वर्षको पहिलो त्रैमासमा ४६ हजार रुपैयाँ नोक्सानमा रहेको बैंकको चालू आर्थिक वर्षमा उल्लेख्य प्रगति गरेको हो ।
सात करोड रुपैयाँ चुक्तापुँजी भएको संस्थाले निक्षेपमा ४ गुणाले वृद्धि गरी १६ करोड ५६ लाख रुपैयाँ संकलन गरेको छ । कर्जातर्फ संस्थाले १ सय १७ दशमलव ८१ प्रतिशतले वृद्धि गरी ९१ करोड ७१ लाख रुपैयाँ लगानी गरेको छ । संस्थाको खुद व्याज आम्दानी १ सय ४५ प्रतिशतले वृद्धि भई २ करोड ७५ लाख रुपैयाँ पुगेको छ भने संचालन मुनाफा ३९ लाख रुपैयाँ पुगेको छ ।
यो अवधिमा ३८ लाख रुपैयाँ खराब कर्जा लघुवित्तले ६५ लाख रुपैयाँ प्रोभिजनमा राखेको छ । असोज मसान्तसम्ममा संस्थाको जोखिमयुक्त सम्पत्ति ९ दशमलव ११ प्रतिशत रहेको छ भने निष्कृय कर्जा शुन्य दशमलव ७१ प्रतिशत रहेको छ ।
