सानिमा बैंकले आइतबारदेखि हकप्रद शेयर निष्कासन खुला गरेको छ । बैंकले अहिलेको चुक्ता पुँजीको ५० प्रतिशत हकप्रद जारी गरेको हो । हाल बैंकको चुक्ता पुँजी तीन अर्ब ६ करोड दुई लाख ८८ हजार रूपैयाँ रहेको छ । हकप्रदपछि चुक्ता पुँजी चार अर्ब ५९ करोड रूपैयाँ भन्दा बढी पुग्नेछ । यस बैंकको हकप्रदमा सर्वसाधारणको आकर्षण रहने अनुमान गर्न सकिन्छ । बैंकको वित्तीय अवस्था र प्रगति तुलनात्मकरूपमा सन्तोषजनक देखिन्छ ।
असार १२ देखि बिक्री सुरु भएको यो हकप्रदमा साउन १६ सम्म आवेदन दिन पाइनेछ । बैंकका अनुसार प्रतिकित्ता एक सय रूपैयाँ अंकित मूल्यको एक करोड ५३ लाख एक हजार चार सय ४० कित्ता हकप्रद शेयर सर्वसाधारणका लागि बिक्री गरिएको हो ।
