बैंकिङ खबर । जेनजी प्रदर्शनमा एटिएम फूटाएको भन्दै प्रहरीले एक जनालाई पक्राउ गरेको छ। सिन्धुपाल्चोकको बलेफी गाउँपालिका घर भई भक्तपुरको थिमी नगरपालिका ७ बस्ने २९ वर्षीय बुद्धिमान तामाङलाई प्रहरीले पक्राउ गरेको हो । प्रहरी वृत्त थिमीले उनीमाथि अनुसन्धान गरिरहेको छ । राष्ट्रिय वाणिज्य बैंकको एटिएम तोडफोड गरेको अभियोगमा उनलाई पक्राउ गरिएको हो । भदौ २४ मा प्रहरी वृत्त थिमीमा आगजनी भएपछि एटिएम तोडफोड भएको थियो ।
