१३.२५ प्रतिशत बोनस सेयर मेगा बैंक नेपाल लिमिटेडले नेपाल राष्ट्र बैंकबाट स्वीकृति पाएको छ । बैंकको मंसिर १९ गते बसेको सञ्चालक समितिको बैठकले प्रस्ताव गरेको बोनस सेयर राष्ट्र बैंकले सोमबार (पुस १८ गते) स्वीकृत गरेको हो । कर प्रयोजनका लागि बैंकले ०.७० प्रतिशत नगद लाभांश पनि दिने छ ।
केही समय अघि मात्रै २५ प्रतिशत हकप्रद सेयर जारी गरेर मेगाले चुक्तापुँजी चार अर्ब ५ करोड रुपैयाँ पुर्याएको छ । उक्त चुक्तापुँजीबाट १३.२५ प्रतिशत बोनस सेयर वितरण गर्दा बैंकको चुक्तापुँजी साढे चार अर्ब नाघ्नेछ । त्यसपछि बैंकले ६५ प्रतिशत हकप्रद बिक्री गरेर चुक्ता पुँजी ७ अर्ब ५७ करोड रुपैयाँको हाराहारीमा पुर्याउनेछ ।
