सगरमाथा इन्स्योरेन्स कम्पनी लिमिटेडले आफ्ना सेयरधनीलाई २२ प्रतिशत बोनस सेयर दिने भएको छ । कम्पनीको शुक्रबार सम्पन्न २२६ औँ सञ्चालक समितिको बैठकले उक्त अनुपातमा बोनस सेयर दिने प्रस्ताव अघि सारेको छ । कम्पनीले कर प्रयोजनका लागि १.१५७९ प्रतिशत नगद लाभांश पनि दिनेछ । प्रस्तावित लाभांश नियामक बीमा समितिबाट स्विकृत भई कम्पनीको आगामी साधारणसभाले पारित गरेपछि सेयरधनीले पाउनेछन् ।
सगरमाथाले गत आर्थिक वर्षको मुनाफाबाट उक्त लाभांश प्रस्ताव गरेको हो । गत आर्थिक वर्षमा कम्पनीले ३० करोड रुपैयाँ नाफा गरेको थियो । हाल सगरमाथा इन्स्योरेन्सको चुक्तापुँजी ४० करोड रुपैयाँ छ । २२ प्रतिशत बोनस सेयर वितरण गरेपछि कम्पनीको पुँजी ४८ करोड ८० लाख रुपैयाँ पुग्नेछ ।
