सनराईज बैंक लिमिटेडले कैलालीको मसुरिया बजारमा सोमबारबाट शाखारहित बैकिङ्ग सेवा सुरु गरेको छ । कैलाली जिल्लामै बैंकको पहिलो शाखारहित बैंकिङ्ग सेवा सोमबार एक कार्यक्रम आयोजना गरी सुरु गरिएको हो । मसुरिया बजार व्यवस्थापनका अध्यक्ष राजेन्द्र प्रसाद देवकोटाले शाखारहित बैकिङ्ग सेवा उद्घाटन गरेका हुन् । रकम जम्मा गर्न एकपटकमा बढीमा ५० हजार रुपैयाँसम्म दैनिक ४ पटक र निकाल्न एकपटकमा २० हजार रुपैयाँसम्म दैनिक ६ पटकसम्म मिल्ने गरी सुरु गरिएको शाखा प्रमुख सुरेन्द्र शाहीले जानकारी दिए ।
