बैंकिङ खबर/ उद्योग, वाणिज्य तथा आपूर्तिमन्त्री दामोदर भण्डारीले सरकार आयात प्रतिस्थापन र निर्यात प्रवद्र्धन गर्दै मुलुकको अर्थतन्त्रको सवलीकरणको दिशामा क्रियाशील रहेको बताएका छन्।
शुक्रबार काठमाडौंमा आयोजित एक कार्यक्रमलाई सम्बोधन गर्दै मन्त्री भण्डारीले सरकारले उद्योग तथा व्यवसायको विकासका लागि तदारुकताका साथ काम गरिरहेको बताएका हुन्। उनले देशमा औद्योगिक तथा व्यावसायिक वातावरण सहज बनाउन आर्थिक क्षेत्रसँग सम्बन्धित करिब एक दर्जन बढी ऐनहरु संशोधन गरिएको उल्लेख गरे।
उद्योग प्रतिष्ठानहरुको सञ्चालनमा थप सहजता ल्याई वस्तु तथा सेवाको उत्पादन बढाउने र उत्पादन लगात मूल्य प्रतिष्पर्धी बनाउने उद्देश्यले ऐनहरु संशोधन गरिएको मन्त्री भण्डारीको भनाइ छ। उनले राष्ट्रिय स्टार्टअप नीति २०८१ नेपाल सरकारबाट स्वीकृत भई स्टार्टअप कर्जा कार्यक्रम कार्यान्वयनमा आइसकेको समेत उल्लेख गरे।
उनले भने, ‘सरकारले उद्योग तथा व्यवसायको विकासका लागि तदारुकताका साथ कार्य गर्नको लागि खासगरि आर्थिक क्षेत्रमा रहेको शितिलता उत्पादन उत्पादकत्व वृद्धि गरि स्वदेशी वस्तुको उत्पादन स्वदेशी वस्तुको उत्पादन बढाउने, उद्योगहरुको संरक्षण गर्ने, आयात प्रतिस्थापन गर्ने तथा निर्यात प्रवद्र्धन गर्दै नेपालको अर्थतन्त्रको सबलीकरण गर्ने दिशामा क्रियाशील रहेको छ। सरकारले देशमा औद्योगित तथा व्यवसायिक वातावरण सहज बनाउन आर्थिक क्षेत्रसँग सम्बन्धित करिब एक दर्जन बढी ऐनहरु संशोधन गरिसकेको छ। राष्ट्रिय स्टार्टअप नीति २०८१ नेपाल सरकारबाट स्वीकृत गरि स्टार्टअप कर्जा कार्यक्रम कार्यान्वयनमा आइसकेको छ।’
