हिमालयन बैंक लिमिटेडले आफ्नो सेयरधनीलाई ३० प्रतिशत बोनस सेयर दिने भएको छ । बैंकको मंगलबार बसेको सञ्चालक समितिको ३३८ औँ बैठकले उक्त अनुपातमा बोनस सेयर वितरण गर्ने प्रस्ताव अघि सारेको हो । कर प्रयोजनका लागि बैंकले १.५७८९ प्रतिशत नगद लाभांश पनि दिनेछ ।
हाल जारी भइरहेको हकप्रद सेयरका लागि आवेदन दिएका सेयरधनीहरुले बोनस सेयर नपाउने बैंकले प्रष्ट पारेको छ । कात्तिक २६ गतेदेखि निष्काशन भइरहेको हिमालयन बैंकको हकप्रद सेयरका लागि मंसिर ३० गतेसम्म आवेदन दिन सकिनेछ ।
