बैंकिङ खबर/ माछापुच्छ्रे बैंकले नेपाल राष्ट्र बैंक, बैंकिङ विभाग, बालुवाटारमा नेपाल पे र फोन पे दुबै नेटवर्कको क्युआर कोड सेवा सञ्चालनमा ल्याएको छ । विदेशी मुद्रा सटही गर्न चाहने सेवाग्राहीहरु प्रत्यक्ष लाभान्वित हुने गरी डिजिटल भुक्तानी सेवालाई बढावा दिने उद्देश्यका साथ यो सेवा सुरु गरिएको बैंकले जनाएको छ ।
नेपाल राष्ट्र बैंकका कार्यकारी निर्देशक दयाराम शर्मा पगेंनी एंव बैंकका प्रमुख कार्यकारी अधिकृत सन्तोष कोईरालाले संयुक्त रुपमा हस्ताक्षर गरी २०८० श्रावण २१ गते देखि सो सेवा सुरुवात गरेका हुन् ।
उक्त सेवाबाट नेपाल राष्ट्र बैंकमा विदेशी मुद्रा सटही लिन आउने सेवाग्राहीहरुले क्युआरमार्फत भुक्तानी गरी सटही सुविधा लिन सक्ने बैंकले जनाएको छ। यस सेवाले सेवाग्राहीहरुको काम छिटोछरितो हुन गई नगदरहित कारोबारलाई समेत टेवा पुग्ने विश्वास बैंकले लिएको छ।
