बैंकिङ खबर/ सनराइज फोकस्ड इक्विटी फण्डको इकाइ बाँडफाँड गरिएको छ । यो बन्दमुखी योजनाको कुल १२ करोड इकाइमध्ये १० करोड २० लाख इकाइ सर्वसाधारणहरुका लागि माघ १० देखि २४ गतेसम्म बिक्री खुला गरिएको थियो । सनराइज क्यापिटलले निस्कासन तथा बिक्री प्रवन्ध गरेको यो योजना सनराइज सामुहिक लगानी कोष अन्तर्गत सञ्चालन हुनेछ ।
निर्धारित समयावधिमा २९ हजार ९०३ जना आवेदकबाट १० करोड इकाइ खरिदका लागि आवेदन प्राप्त भएकोमा शुक्रबार बाँडफाँड गरिएको क्यापिटलले जनाएको छ ।
धितोपत्र निस्कासन तथा बाँडफाँड निर्देशिका २०७४ बमोजिम सबैलाई इकाइ बाँडफाँड गरिएको क्यापिटलले जनाएको छ । क्यापिटलका अनुसार योजनाको आकार १ अर्ब कायम गरिएको छ । बाँडफाँड सम्बन्धी विवरण धितोपत्र निस्कासन तथा बिक्री प्रबन्धक सनराइज क्यापिटलको वेबसाइट वा मेरो सेयरमार्फत हेर्न सकिनेछ ।
