बैंकिङ खबर/ बाराही हाइड्रोपावर पब्लिक लिमिटेडको शेयर नेपाल स्टक एक्सचेञ्ज (नेप्से) मा सूचीकृत भएको छ । सोमबार कम्पनीको २५ लाख कित्ता शेयर नेप्सेमा सूचीकृत भएको हो ।
कम्पनीले सर्वसाधरणको लागि निष्काशन गरेको ७ लाख कित्ता र संस्थापकहरुले लगानी गरेको १८ लाख कित्ता सहित २५ लाख कित्ता शेयर नेप्सेमा सूचीकृत भएको हो । कम्पनीको शेयरलाई नेप्सेले न्युनतम ६४ रुपैयाँ ९७ पैसा देखि १९४ रुपैयाँ ९१ पैसा ओपनिङ्ग रेन्ज प्रदान गरेको छ ।
उक्त ओपनिङ्ग रेन्जको आधारमा मंगलबार देखि कम्पनीको शेयर कारोबार खुल्नेछ । नेप्सेले कम्पनीको शेयरलाई बिएचपीएल कारोबार संकेत प्रदान गरेको छ ।
