बैंकिङ खबर/ राष्ट्रिय वाणिज्य बैंकले बिरुवा कन्स्ट्रक्सनलाई ३५ दिनभित्र सबै ऋण चुक्ता गर्न निर्देशन दिएको छ । बैंकले बिहीबार बिजनेवि सार्वजनिक सूचना जारी गरी सावाँ, ब्याज र अन्य सबै दस्तुर ३५ दिनभित्र चुक्ता गर्न भनेको हो । अन्यथा धितो लिलाम गर्ने सूचनामा उल्लेख छ ।
बिरुवा कन्स्ट्रक्सनका शेयरधनीहरुमा काठमाडौं महानगरपालिका वडा नं. ३४ नयाँबानेश्वरस्थित बिरुवा कन्स्ट्रक्सनमा धनकुटा–६ घर भई हाल काठमाडौं–३४ का सुवित श्रेष्ठ, दोलखाको चरिकोट–४ घर भई हाल काठमाडौं–३४ का बालकृष्ण थापा र रामेछाप घर भई हाल काठमाडौं–१० का पेम्बा लामा शेर्पा छन् ।
रुपन्देहीको रूपन्देहीको बुटवल–बेलहिया सडक, पाँचथरको तमोर करिडोर, बेनी–जोमसोम–कोरला सडकखण्ड लगायतका थुप्रै निर्माण क्षेत्रमा बिरुवा कन्स्ट्रक्सनले काम गरेको थियो ।
