ग्रामीण विकास बैंकले नेपाल राष्ट्र बैंकका क्याडर पर्वतकुमार कार्कीलाई प्रमुख कार्यकारी अधिकृतमा नियुक्त गरेको छ । पाँच वटा ग्रामिण विकास बैंक मर्ज भएर बनेको बैंकले पहिलो पटक खुला प्रतिस्पर्धाबाट प्रमुख कार्यकारी अधिकृत नियुक्त गरेको हो । बैंकले उनलाई आगामी चार बर्षका लागि नियुक्त गरेको हो ।
कार्की नेपाल राष्ट्र बैंकको निर्देशकबाट अवकास भएका थिए । ग्रामिण बैंकिङमा समेत विज्ञता राख्ने कार्कीले अष्ट्रेलियाको ग्रिप्थ युनिभर्सिटीमा समेत अध्ययन गरेका हुन् । कार्की उदयपुरका स्थायी वासिन्दा हुन् ।