आगामी आइतबारसम्म कायम सेयरधनीले मात्रै कृषि विकास बैंकको हकप्रद भर्न पाउने भएका छन् । बैंकले ५० प्रतिशत हकप्रद सेयर निष्काशनका लागि असोज १० गते एक दिन सेयरधनी दर्ता किताब बन्द हुने जनाएको छ । धितोपत्र बोर्डबाट आईतबार हकप्रद निष्काशनको स्वीकृति पाएपछि बैंकले सोही दिन संचालक समितिको बैठक राखी सेयरधनी दर्ता किताब बन्दको मिति तय गरेको जनाईएको छ । बैंकले हकप्रद बिक्री गर्ने दिन भने तोकिसकेको छैन । कृषि बिकास बैंकले भाद्र २१ गते धितोपत्र बोर्डमा हकप्रद निश्काशनका लागि आबेदन दिएको थियो ।
