बैंकिङ खबर/सरकारले आर्थिक वर्ष २०८२/०८३ देखि नियुक्त हुने कर्मचारीहरूलाई पेन्सन र उपदान सुविधा दिइने नदिने घोषणासँगै सामाजिक सुरक्षा कोषले स्वागत गर्न आतुर रहेको बताएको छ । कोषले निजी र सरकारी दुबै क्षेत्रमा कार्यरत श्रमिकलाई समान अधिकार र सुविधाको प्रत्याभूति दिलाउने उद्देश्यले आफ्ना कार्यक्रमहरू विस्तार गरिरहेको छ ।
सामाजिक सुरक्षा कोषका अनुसार अब कुनै पनि श्रमिक, चाहे उनी निजी संस्थामा कार्यरत होस् वा सरकारी सेवामा, सामाजिक सुरक्षाबाट बाहिर रहने छैनन् । कोषले सरकारको पेन्सन नदिने घोषणाको पत्र सेयर गर्दै भनेको छ, ‘हामी सबै श्रमिक वर्गलाई स्वागत गर्न आतुर छौं। सामाजिक सुरक्षाको छातामुनि सबैको समान पहुँच सुनिश्चित गरिन्छ ।’
