बैंकिङ खबर/प्रतिनिधिसभा बैठकले तीनवटा विधेयक पारित गरेको छ । आइतबार बसेको प्रतिनिधिसभा बैठकले बजेटसँग सम्बन्धित तीनवटा विधेयक पारित गरेको हो ।
प्रतिनिधिसभाबाट आर्थिक विधेयक २०८१, राष्ट्र ऋण उठाउने विधेयक २०८१ र भन्सार महसुल विधेयक २०८१ लाई बहुमतले पारित गरेको छ ।
यसअघि नै सरकारले पेश गरेको विनियोजन विधेयक, २०८१ पनि पारित भइसकेको छ । बजेटसँग सम्बन्धित चारवटै विधेयक पारित भएसँग आगामी आर्थिक वर्षको बजेट प्रतिनिधिसभाबाट पारित भएको छ ।
