बैंकिङ खबर/ हेटौँडामा नेपाल बैंक लिमिटेडको एटीएम तोडफोड भएको छ। हेटौँडाको सानोपोखरा शाखामा रहेको एटीएम आइतबारराति तोडफोड भएको हो ।
एटीएमसँगै रहेको पुडासैनी हार्डवेयरमा पनि तोडफोड भएको पाइएको मकवानपुर प्रहरीले जनाएको छ। जिल्ला प्रहरी कार्यालयका प्रमुख एसपी वामदेव गौतमले एटीएम र हार्डवेयरमा तोडफोड भएको जानकारी दिए। उनले एटीएम र हार्डवेयर पसल तोडफोड भएको जानकारी पाउनासाथ प्रहरीले अनुसन्धान सुरु गरेको बताए।
