भत्ता लिन ५ किलोमिटरको यात्रा, फर्किंदै गर्दा बाटोमै मृत्यु

बैंकिङ खबर/ घरखर्च चलाउन भन्दै सामाजिक सुरक्षा भत्ता लिन गएकी बझाङ छविसपाथिभेरा गाउँपालिका वडा नम्बर १ की ७२ वर्षीया वृद्धा सीता गिरी घर फर्किइनन् । उनको बाटोमै ज्यान गयो । उनको घरबाट कुमारी बैंकको शाखा ५ किलोमिटर टाढा छ ।

उनी नसकी कसरी बैंकमा त पुगिन् । भत्ता पनि लिइन तर घर फर्किँदै गर्दा एकल महिला गिरीको बाटोमै ज्यान गयो । उनी दमको बिरामी थिइन् ।