नेपाल राष्ट्र बैंकले आगामी आर्थिक वर्षदेखि ट्वीटर र युट्युव चलाउने भएको छ । आफ्ना गतिविधिहरु बढीभन्दा बढी जनतासमक्ष पुर्याउन सामाजिक सञ्जाल सञ्चालन गर्न लागेको राष्ट्र बैंकले जनाएको छ । सामाजिक सञ्जाल सञ्चालन गर्नका लागि ‘राष्ट्र बैंकको प्रकाशनमा पारदर्शिता ल्याउने सम्बन्धी कार्यविधि २०७३ सने तयार भइसकेको बताइएको छ । सो कार्यविधि सञ्चालक समितिले पारित गरेपछि कार्यान्वयनमा आउनेछ । कार्यविधिमा फेसबुक चलाउने विषय उल्लेख नगरिएको भएपछि त्यसलाई समावेश गरेर कार्यविधिलाई अन्तिम रुप दिने योजना राष्ट्र बैंकको छ । राष्ट्र बैंकले सामाजिक सञ्जाल चलाउने चालु आवकै कार्ययोजनामा उल्लेख थियो ।
