बैंकिङ खबर । सनराइज बैंकको प्रमुख कार्यकारी अधिकृतमा पदमा जनक शर्मा पौड्याल नियुक्त भएका छन् । बैंकको सञ्चालक समितिको बैठकले पौड्याललाई प्रमुख कार्यकारी पदमा सर्वसम्मतीमा नियुक्त गरेको हो ।
पौड्यालले ६ महिना अगाडि ग्लोबल आइएमई बैंकको प्रमुख कार्यकारी अधिकृत पदबाट राजिनामा दिएका थिए ।
यसअघि सनराइज बैंकको संचालक समितिको बैठकले निरज श्रेष्ठलाई सिइओ पदमा नियुक्त गरेको थियो । संचालकहरु बीचको असहमतिका कारण श्रेष्ठको नियुक्तिमा विवाद भएको थियो । संचालकबीच सहमति जुट्न नसकेपछि श्रेष्ठले सनराइज बैंक नजाने निर्णय गरेका थिए ।
