लक्ष्मी बैंकले आफ्नो एटिएम सेवा विस्तार गर्ने क्रममा पोखराको पश्चिम पृतना हेडक्वाटर बिजयपुर व्यारेकमा विहीबारदेखि एटिएम सेवा संचालनमा ल्याएकोे छ । एटिएमको उद्घाटन पृतनापति देवेन्द्र बहादुर मेधासी र लक्ष्मी बैंकको तर्फबाट मनिष राज कुँवरद्वारा संयुक्त रुपमा गरियो ।
एटिएम सेवा व्यारेकका सैनिकहरुका लागि मात्र नभई सर्वसाधारणहरुका लागि पनि उपलब्ध हुने बैंकले जनाएको छ । यससँगै लक्ष्मी बैंकको एटिएम संख्या १०२ पुगेको छ । यसबाहेक, बैंकले देशभरका ८४ वटा शाखामार्फत सेवा दिँदै आएको छ । आगामी दिनहरुमा पनि बैंकले अझ धेरै शाखा अनि एटिएम सेवाहरु देशभरि विस्तार गर्ने लक्ष्य लिएको छ ।
