जनता बैंक नेपाल लिमिटेडको रुपनी शाखाबाट सोमबारदेखि कारोबार सुरु भएको छ । सप्तरी जिल्ला रुपनी गाउँपालिका वडा नं. १ मा रहेको यस शाखा नेपाल राष्ट्र बैंकको प्रत्येक स्थानीय तहमा बैंक शाखा स्थापना गर्ने नीतिअनुसार खोलिएको हो । सप्तरी जिल्लाको ग्रामीण क्षेत्रका साविकका ६ गा.वि.स. समेटिएर बनेको रुपनी गाउँपालिकाको समेत कारोबार गर्ने यस शाखाले गाउँपालिका क्षेत्रको आर्थिक तथा सामाजिक विकासमा महत्वपूर्ण भूमिका निर्वाह गर्न सक्नेछ । साथै यस क्षेत्रका उद्यमी व्यवसायी तथा सर्वसाधारणहरुले यस शाखाबाट आधुनिक बैंकिङ सुबिधा िलई जिबनस्तर सहज बनाउने अपेक्षा बैंकले गरेको छ ।
यससँगै जनता बैंक नेपाल लिमिटेडको शाखा सञ्जाल ११० पुगेको छ । यसबाहेक बैंकले ३३ शाखारहित बैंकिङ्ग, २ सिमित बैंकिङ्ग ईकाई, २ एक्सटेन्सन काउन्टर र ६९ एटिएमबाट सेवा प्रदान गरिरहेको छ ।
