नेपाल राष्ट्र बैंकले बैंकिङ प्रणालीमा अत्याधिक लगानी योग्य पुँजी (तरलता) कम गर्न झण्डै पाँच अर्ब रुपैयाँको ट्रेजरी बिल बिक्री गर्ने भएको छ । राष्ट्र बैंकले ४०५ करोड ३४ लाख २५ हजार रुपैयाँको ट्रेजरी बिल आगामी जेठ ३ गते बिक्री गर्ने भएको हो । सरकारको नाममा केन्द्रीय बैंकले जारी गरेको ट्रेजरी विल ९१ दिनेका लागि २ सय ७७ करोड र १ सय ८२ दिनेका लागि १ सय २८ करोड निर्धारण गरेको छ । एक महिना अवधिको यो ट्रेजरी बिल बोलकवोलबाट गर्न सकिन्छ । बैंक तथा वित्तीय संस्थाहरुले गरेको बोलकबोलका आधारमा यसको ब्याजदर तय हुन्छ ।
सरकारले आन्तरिक रुपमा ऋण उठाउन ट्रेजरी बिलहरु राष्ट्र बैंकमार्फत जारी गर्छ । सरकारले जारी गरेका ट्रेजरी बिलमध्ये केही राष्ट्र बैंकले आफैसँग राख्छ । यस्तो ट्रेजरी बिल ब्याज दर तथा तरलता व्यवस्थापन गर्न राष्ट्र बैंकले मौद्रिक औजारका रुपमा प्रयोग गर्छ ।
