प्रविष्टि परामर्श तथा सेवा प्रा.लिले बैंकिङ क्षेत्रमा कार्यरत कर्मचारीहरुलाई बैकिङ क्षेत्रसम्बन्धि तालिम प्रदान गरिहेको छ । बैंकिङ क्षेत्रमा कार्यरत कर्मचारीहरुमा विदेशी मुद्रा व्यवस्थापन सम्बन्धि ज्ञान नभएकाले बैंकिङ क्षेत्रमा समस्या देखिएको भन्दैै त्यसको समाधानको लागि संस्थाले यस्तो तालिम आयोजना गरेको हो । 
तालिमबाट बैंकमा काम गर्ने कर्मचारीहरुले भोग्दै आएका व्यहारिक समस्याको समाधान गर्ने उद्देश्य राखिएको छ । बैंंकिङ क्षेत्र अन्य क्षेत्र अन्य क्षेत्रभन्दा संवेदनशील क्षेत्र भएकोले यस क्षेत्रमा कार्यरत कर्मचारीहरुको क्षमता विकासको लागि यस्तो तालिमले मुख्य भूमिका खेल्ने छ । तालिममा कर्मसियल बैंक, विकास बैंक र वित्त कम्पनीहरुबाट ३५ जनाभन्दा बढी कर्मचारीहरुले सहभागीता जनाएका छन् ।
बैैंकिङ क्षेत्र तथा देशको आर्थिक अवस्थालाई सुदृढ बनाउने उद्देश्यले पूर्व डेपुटी गर्भनर तथा बैंकरहरुद्धारा स्थापित प्रविष्टि परामर्श तथा सेवा प्रा.लिले देशको बैंकिङ प्रणालीलाई मजवुद र अन्तर्राष्ट्रिय स्तरको बनाउनको लागि महत्वपूर्ण भूमिका खेल्ने छ । संस्थाका अध्यक्ष तथा पूर्व डेपुटी गर्भनर गोपाल काफ्लले यस्तोे तालिमले बैंकमा काम गर्ने कर्मचारीहरुको क्षमता विकासका साथै विदेशी मुद्रा विनिमयको विषयमा जानकारी प्रदान गर्ने बताए । बैंक तथा वित्तीय संस्थाहरुका लागि परामर्शको महत्व तथा आवश्यकतालाई मनन गरि यो तालिम आयोजना गरिएको जानकारी काफ्लले गराए । त्यस्तै राष्ट्र बैंकका पूर्व कार्यकारी निर्देशक तथा संस्थाका संञ्चालक पर्वत कार्कीले बैंक तथा वित्तीय संस्थाबाट यस्तो तालिमको माग भई आएकोले तालिम आयोजना गरिएको बताए ।
तालिमको पहिलो चरणमा श्रोत व्यक्तिको रुपमा नेपाल राष्ट्र बैैंक, विदेशी विनिमय व्यवस्थापन विभागका कार्यकारी निर्देशक भिष्मराज ढुंगाना रहेका थिए । तालिमको दोश्रो चरणमा नेपाल राष्ट्र बैंकका निर्देशक बमबहादर मिश्र श्रोत व्यक्तिको रुपमा रहनेछन् ।
