मुक्तिनाथ विकास बैंक लिमिटेडले आईतबार (कात्तिक १९ गते) चितवनको खैरहनि नगरपालिका वडा नं. ८, स्थित पर्सा शाखाको विधिवत उद्घाटन गरेको छ । खैरहनि नगरपालीकाका नगर प्रमुख लालमणी चौधरीले उक्त शाखा कार्यलयको उद्घाटन गरे । शाखा उद्घाटनपश्चात् मन्तव्य व्यक्त गर्दै नगर प्रमुख चौधरीले यस क्षेत्रमा कृषि पर्यटनको विकासका लागि वित्तीय संस्थाहरुको उपस्थिती बढ्नु खुशीको कुरा भएकोले पर्सा बासीको सदैब साथ र सहयोग रहने बताए ।
समुद्घाटन कार्यक्रममा बैकका नायव प्रमुख कार्यकारी अधिकृत प्रद्युमन पोख्रेलले स्वागत मन्तब्य ब्यक्त गर्दै बैंकको हालको अवस्था तथा बैंकले सामाजिक उत्तरदायित्वको क्षेत्रमा विशेष जोड दिई रहेको बारेमा प्रकाश पारे । साथमा उनले बैंकले प्रदान गर्दै आईरहेको सेवा सुविधाका बारेमा पनि जानकारी गराए ।
शाखा समुद्घाटन कार्यक्रममा पर्सा बजार र सो आसपासका व्यापारी, समाजसेवी, कृषक र स्थानीय नागरिकहरु लगायत स्थानीय बैंक तथा वित्तीय संस्थाका प्रमुख एवं प्रतिनिधिहरुको उपस्थिति रहेको थियो ।
मुक्तिनाथ विकास बैंकको चितवन जिल्लामा चार वटा शाखा सहित गरी कुल ७० वटा कार्यालयहरु पुगेका छन् । बैंकले २०७४ आश्विन मसान्तसम्म रु. १९ अर्ब ५४ करोड निक्षेप संकलन गरी रु. १६ अर्ब ८० करोड कर्जा लगानी गरेको छ । सोही अवधिमा बैंकले रु. १३ करोड ५४ लाख खुद मुनाफा आर्जन गरेको छ ।
