एनआईसी एशिया बैंक लिमिटेडले भोजपुर न.पा. वडा नं. ०७, चेङ्गवेनी चोकमा नयाँ शाखा विस्तार गरेको छ । विहीबार (कात्तिक १७ गते) एक समारोहका बिच भोजपुर नगरपालिकाका मेयर कैलाश कुमार आलेले उक्त शाखाको विधिवत् उद्घाटन गरे ।
शाखा सञ्जाल, पूँजी संरचना, वासलातको आकार, ग्राहक संख्याहरुको आधारमा एनआईसी एशिया बैंक निजी क्षेत्रको अग्रणी बैंकहरुमध्ये एक हो । भोजपुर शाखाको समुद्घाटनसँगै हाल यस बैंकले अधिराज्यभर १३३ शाखा कार्यालयहरु र १४१ एटिएम काउन्टरबाट बैंकिङ सेवा प्रदान गर्दै आईरहेको छ ।
बैंकले हरेक सम्भावित बजार क्षेत्रमा आफ्ना ग्राहकलाई सेवा उपलब्ध गराउने अभिप्रायले अन्य विभिन्न स्थानहरुमा चाँडै नै थप शाखा संचालन गर्ने योजना अगाडि सारेको छ ।
