लुम्बिनी बिकास बैंक लिमिटेडले अन्र्तराष्ट्रिय बाल दिवसको अवसर पारेर विहीबार खगेन्द्र नवजीवन विशेष शिक्षा माध्यमिक विद्यालय, नारायणटारका अपाङ्ग बालबालिकाहरुलाई खाजा वितरण गरेको छ । उक्त कार्यक्रममा त्यस विद्यालयका ३५० विद्यार्थी तथा शिक्षकहरुलाई विकास बैंकले संस्थागत सामाजिक उत्तरदायित्व अन्तर्गत खाजा वितरण गरेको हो ।
कार्यक्रममा बैंकका नायव महाप्रबन्धक तिलक राज पाण्डेय, नारायणटार शाखाका कर्मचारीहरु, स्थानिय क्लबका सदस्य महानुभावहरु, सामाजिक संस्थाका प्रतिनिधीहरु एवं स्थानिय भद्रभलादमीहरुको उल्लेख्य सहभागिता रहेको थियो ।
लुम्बिनी विकास बैंकले यसअघि पनि सो बिद्यालयलाई संस्थागत सामाजिक उत्तरदायित्व अन्तर्गत एक थान साउण्ड सिस्टम उपहार स्वरुप प्रदान गरिसकेको छ । यस प्रकारको सहयोग कार्यक्र्रमलाई आगामी दिनहरुमा समेत निरन्तरता दिँदै जाने योजना रहेको बैंकले जनाएको छ ।
