नेपाल राष्ट्र बैंक आगामी मंगलबारबाट ६० वर्ष पूरा गरी ६१ औँ वर्षमा प्रवेश गर्दैछ । आफ्नो ६१ औँ स्थापना दिवशभव्यताका साथ मनाउने राष्ट्र बैंकले तयारी गरेको छ । सो अवसरमा बैंकले प्रथम गभर्नर हिमालय शम्सेर जबरालाई अभिनन्दन गर्ने भएको छ । बैंकले पूर्व गभर्नरहरुलाई सम्मान गर्ने भएको छ ।
६० वर्षयता विभन्न सयममा राष्ट्र बैंकमा सेवा पुर्याएका गभर्नरलाई सम्मान तथा अभिनन्दन गर्ने तयारी राष्ट्र बैंकले गरेको छ । राष्ट्र बैंक स्रोतका अनुसार प्रथम गभर्नर हिमालयशमशेर ज.ब.रालाई अभिनन्दन गर्नुका साथै विभिन्न समयमा राष्ट्र बैंकमा गभर्नरका रुपमा रही सेवा पुर्याएका गभर्नरहरुलाई राष्ट्र बैंकले सम्मान गर्न लागेको हो ।
नेपालको आर्थिक क्षेत्रको व्यवस्थापन गर्ने उद्देश्य सहित केन्द्रिय बैंकका रूपमा नेपाल राष्ट्र बैंक ऐन १९५५ अन्तर्गत नेपाल राष्ट्र बैंकको स्थापना २०१३ साल वैशाख १४ गते भएको थियो । नेपाल राष्ट्र बैंक वित्तीय संस्थारुको मौद्रिक विनिमायक र प्रक्षेपणको रुपमा रहेको छ । तत्कालिन ऐनको ठाउँमा नयाँ नेपाल राष्ट्र बैंक ऐन २०५८ परिचालन गरी त्यसमा बैंकको स्वायत्तता, स्वतन्त्रता र सुनिश्चिता गरिएको छ । नेपाल राष्ट्र बैंकले विदेशी मुद्रा विनियम दर र देशमा रहेको विदेशी मुद्रा भण्डारको संरक्षण, विदेशी मुद्रा नीति नियन्त्रण गर्दछ।
नेपाली अर्थतन्त्रको दिगो विकासको लागि मूल्य र शोधनान्तर स्थिरता कायम गर्नका लागि आवश्यक मौद्रीक तथा विदेशी विनिमय नीति निर्माण गरी सोको व्यवस्थापन गर्ने, बैंकिङ्ग तथा बितीय क्षेत्रको स्थायित्व र आवश्यक तरलतालाई प्रवद्र्धन गर्ने उद्देश्यले राष्ट्र बैंकको स्थापना भएको हो । त्यस्तै सुरक्षित, स्वस्थ तथा सक्षम भुक्तानी प्रणालीको विकास गर्ने, बैंकिङ्ग तथा वित्तीय प्रणालीको नियमन, निरिक्षण, सुपरिवेक्षण तथा अनुगमन गर्नु पनि राष्ट्र बैंकको मुख्य उद्देश्य रहेको छ । नेपाल अधिराज्यको समग्र बैंकिङ्ग तथा वित्तीय प्रणालीको संवद्र्धन गरी त्यसप्रति सर्वसाधारणको विश्वसनियता अभिवृद्धि गर्ने कार्यमा राष्ट्र बैंक सक्रिया रहँदै आएको छ ।
