असार १५ गतेसम्म कायम सेयरधनीले मात्रै रिलायबल माइक्रोफाइनान्स वित्तीय संस्था लिमिटेडले निष्काशन गर्न लागेको हकप्रद सेयर भर्न पाउने भएका छन् । संस्थाले हकप्रद प्रयोजनका लागि असार १६ गतेदेखि सेयरधनी पुस्तिका बन्द गर्ने जनाएको छ ।
रिलायबलले चौथो साधाराणसभाबाट पारित भएबमोजिम ५० प्रतिशत अर्थात दुई बराबर एकको अनुपातमा हकप्रद सेयर निष्काशन गर्दैछ । कम्पनीले एक सय रुपैयाँ अंकित मूल्यमा दुई करोड ८२ लाख ५० हजार रुपैयाँ बराबरको दुई लाख ८२ हजार पाँच सय कित्ता हकप्रद जारी गर्नेछ । यसका लागि कम्पनीले सेयर निष्काशन तथा विक्री प्रबन्धकमा सिभिल क्यापिटल मार्केट लिमिटेडलाई नियुक्त गरेको छ ।
हाल रिलायबल माइक्रोफाइनान्सको चुक्तापुँजी पाँच करोड ६५ लाख एक सय रुपैयाँ रहेको छ । हकप्रद जारी गरेपछि कम्पनीको चुक्तापुँजी आठ करोड ४५ लाख ५० हजार रुपैयाँ पुग्नेछ ।
