राष्ट्रिय बाणिज्य बैंकको संचालक समितिले किरण श्रेष्ठलाई कार्यकारी अधिकृत पदको कार्यभार सम्हाल्नको लागि पत्राचार गरेको छ । कर्मचारी संचय कोषका सिइओ कृष्णप्रसाद आचार्यको राजीनामा अस्वीकृत भएपछि बैंकले श्रेष्ठलाई सोमबारबाट कार्यभार सम्हाल्नको लागि पत्रचार गरेको हो । बाणिज्य बैंकका अनुसार आइतबार श्रेष्ठलाई पत्रचार गरिएको हो ।
यसअघि बैंकले सिईओ पदका लागि आचार्यलाई पहिलो नम्बर र श्रेष्ठलाई बैकल्पीक दाबेदारको रुपमा सारेको थियो । तर कर्मचारी सञ्चय कोषमा प्रशासकको रुपमा कार्यरत आचार्यको राजीनामा अर्थमन्त्री विष्णु पौडेलले स्वीकृत गर्न नमानेपछि दोश्रो पंक्तिका दाबेदार श्रेष्ठ सिइओ बन्ने पक्का भएको हो ।
वाणिज्य बैंक ४ महिनादेखि सिईओ विहिन अवस्थामा छ । नयाँ सिईओले कार्यभार सम्हालेसँगै यसअघि रोकिएका सबै काम सुचारु हुने वाणिज्य बैंकले जनाएको छ ।
