एनएमबि बैंक लिमिटेडको प्रमुख कार्यकारी अधिकृत (सीईओ)मा सुनिल केसी नियुक्त भएका छन् । केसी आगामी चार वर्षका लागि एनएमबि बैंकको सीईओ नियुक्त भएका हुन् । चार महिनाअघि नै सीईओमा नियुक्त भएका केसीले आज(चैत्र १ गते, मंगलबार)देखि आफ्नो कार्यभार सम्हालेका हुन् । १७ बर्ष प्रमुख कार्यकारी अधिकृत रहेका उपेन्द्र पौडेलको अवकाससँगै केसीको कार्यकाल सुरु भएको हो ।
यसअघि केसी एनएमबी बैंकका नायव प्रमुख कार्यकारी अधिकृत थिए । २७ बर्षे बैंकिङ अनुभव भएका केसीले तत्कालीन ग्रिण्डलेज (हालको स्ट्यान्डर्ड चार्टर्ड) बैंकबाट करिअर सुरु गरेका हुन् । एनएमबी बैंकमा भने उनी सन् २००८ मा नायब महाप्रबन्धकको रुपमा छिरेका थिए । स्नातकसम्म विज्ञान पढेका केसीले एमबिए गरेका छन् ।
