आइतबार (आज) देखि काठमाडौँको सुकेधाराबाट पनि लाइसेन्स लिन पाइने भएको छ । भौतिक पूर्वाधार तथा यातायात राज्यमन्त्री सीताराम महतोले शुक्रबार उद्घाटन गरेको कार्यालयले आजदेखि लाइसेन्स वितरण गर्न थालेको हो । सुकेधारासँगै, एकान्तकुना र भक्तपुरको जगाती गरी अब तीन ठाँउबाट लाइसेन्स लिन सकिने छ ।
यसअघि एकान्तकुनाबाट मात्र लाइसेन्स वितरण हुँदै आएको थियो । एउटामात्रै कार्यालय भएका कारण यसअघि सर्वसाधरणले लामो लाईन बस्नुपर्दा विघ्न सास्ती झेल्नुपथ्र्यो । हाल मोटरसाइकलको परीक्षण केन्द्र ट्रायल सेन्टर यातायात व्यवस्था विभाग मीनभवनमा र कारको परीक्षण केन्द्र (ट्रायल सेन्टर) नेसनल ट्रेडिङ, रामशाहपथमा हुँदै आएको छ ।
