नेपाल राष्ट्र बैंकले २५ करोड रुपैयाँ बराबरको रिभर्स रिपो विक्री गर्ने भएको छ । वित्तीय प्रणालीमा तरलता सन्तुलन कायम गर्नका लागि राष्ट्र बैंकअन्तर्गत राष्ट्र ऋण व्यवस्थापन विभागले आगामी बुधबार सात दिने अवधिको रिभर्स रिपो जारी गर्न लागेको हो ।
रिभर्स रिपो अनलाइन बोलकबोलका आधारमा विक्री गरिने राष्ट्र बैंकले जनाएको छ । 'क', 'ख' र 'ग' वर्गका बैंकहरुले उक्त रिभर्स रिपो खरिद गर्न पाउनेछन् । उक्त रिभर्स रिभर्स आगामी पुस २७ गते परिपक्व हुनेछ ।
बैंक तथा वित्तीय संस्थामा रहेको तरलता (लगानीयोग्य पुँजी) प्रशोचन गर्नका लागि राष्ट्र बैंकले रिभर्स रिपो जारी गर्ने गर्दछ । यसअघि, गत साताको बुधबार पनि राष्ट्र बैंकले २५ करोड रुपैयाँ बराबरको रिभर्स रिपो जारी गरि बैंकिङ प्रणालीबाट तरलता प्रशोचन गरेको थियो ।
